ماكو احله إمن البنفسج / كريم القزويني
- التفاصيل
- نشر بتاريخ الأربعاء, 05 آذار/مارس 2014 21:23
روح يا كادر حزبنا..
ولطخ الاصبع بنفسج ونتخب حزبك
ماكو احله إمن البنفسج
لو ردت إنتخب حزبك
حزبك الحزب الشيوعي
هو اسمك هو رسمك
والبنفسج احله من كل الألوان...
غط الأصبع بالبنفسج او انته حر او باليعجبك
انتخب.. لو ردت ما تنتخب
الكرسي مالك ينسحب
انته معروف ابنضالك بالعراق
وانته معروف ابشهيدك المؤسس لرفاق
هاذ يوم الامتحان سكت السان النفاق
هاذ صندوگ البنفسج إنتخب
حزبك الحزب الشيوعي
وآنه اعرفك انته اكثر من محب
الحزب الاحمر الرضع بسس الوفاق
ما كو احله...
تره من ليل البنفسج
او بنهار ايصير بستج
ماكو اطيب من حزبنه الما عرف
فد يوم هرج
اقروا تاريخ الحزب.. ما مشينه ابدرب اعوج
هاذ صندوگ الحزب للانتخاب
روح اركض يا شيوعي انته والناس التحبك
انته ثوبك ابيض ابيض
ما عرفت يوم اتفرج
ما چنت يوم اتفرج
لا وحقك يا شعبنه ماكو واحد بينه اعوج
لا وحقك يا شعبنه ماكو واحد بينه ثلج
احنه بارود النضال
انتخينه او شوفنه اشلون انتوهج
لا نخاف ارهاب خنث
تكتل اطفال او نساء
مو زلم خشنه وتجي مكبل
مثل مسلم يكبر من يحج
انتخب روح انتخب...
انته بنيان الحزب
خط اصبعك بالبنفسج ونتخب
انته بنيان الحزب