وانته بعدك شاب / أمجد صالح
- التفاصيل
- نشر بتاريخ الثلاثاء, 05 نيسان/أبريل 2016 21:32
جزه ثمانين عمرك وانته بعدك شابواذا عمرك يعوز ادفع سنيني
هاي الناس تكبر من تمر سنين
وانت اللي عكسهم تكبر بعيني
.......
يجي ابالي الوطن واصفن
واكول اتهون ...
حتى المات يرجعلي
اجيبه م المهد للكاع والهة انطي
خلصت!
بس فراغ الكاع بيهة املي
هلگد ما نطيت اعزاز
هسه الكاع تگربلي
خلصت كل حياتي وياك عيني مفتحه واحلم
يمته عيوني اغلگهة بوطن ما بي رصاصه ودم
ضجت من ريحة البارود اريدن ناس بيك اشتم
يمته جدامي تاخذني لديرة غربه وهناكه
اطلع صورتك واندم!
حسسني وطن !
ما اخاف أمن بيك بس شلون ؟
اذا حته اللي يحمي الناس يتلثم
هدمو شكلك بعيني وبقيت بروحي امهندم!
احبك يا وطن رغم الخراب البيك ..
تاخذ مني وبكيفك ولا احجي واكول ال ليش؟
دفنونه و لا يدرون
متوهمين !
يبقه الماي حدر الكاع هم يعيش !
سمعوا بالوطن ينباع
وضمايرهم انباعت گبله
من باعوهه مدري ابيش ؟
بدين الغيمه لتأمن الگمر ينباگ!
خليتونه بيد الناس
من طيحونه ما يدرون
اذا طاح التمر ينضاگ
.......
شكثر رادو قبل عالم يدفنوك
ومبادئ ما بعت .. غيرك شرف باع
ميموت ( الشيوعي ) براسه العّراق
من حب الوطن يتغطه بالگاع