هلهولة عرس / حسين جهيد

هيوه غنينه الحزن

او فصلينه الليل هلهولة عرس

احنه عدنه الظلمه من تشتد شمس

سولفينه او دنگ السجان ... واندار الحبس

ازياره او واهليه عيد

املبس او چكليت

چوبيه او ونس

طبع بينه

من نسولف حيل ممنوع الهمس

نزف دمنه

يشگ حلگ الليل وإيخضر صبح

إنطيح گطره إويه النده

إبخد الورد

او مرهم نطگ وكت الجرح

الغيره غيرة طين من يعشگ

عدنه مكروهه العداوه

والدغش

واللوم

والحچي الجبح

سر دربنه

گهوه وإمناگل زلم

كلش سمح

ما نوده الغيض شنهو الغيض

عشاگ الصلح

ضحكة جهل .... طيبة نفس

بينه ظيم الدنيه هلهولة عرس