قصايد عن الطفولة .. أم جبّار .. / كامل الركابي
- التفاصيل
- نشر بتاريخ الإثنين, 06 تشرين1/أكتوير 2014 17:36
واحنه ازغار
فواكهنه التمر
والرطب
والطلّيع
والجمّار
ولأن حبها لختها
يسيل
مثل النار
عرفنه البرتقال
بشيلة
الخاله الكريمه
خالتي : ام جبّار!
سينما
سينما الصيفي
تجاورها نخل
مو بخل
احنه ماعدنه بطايق
نشتري
ولهفة أطفال الصرايف
ماتعوف
هرقل وعنتر
ونجم الملحمة
نصعد النخلات
حتى انشوف
فلم السينما!
مو خساره
هيه هاي الدنيا
تشبيه
استعاره
روح
اشربلك جگارة
ربع عمرك
بالصفا
واگف
بدرهم
تغسل الطين
اليجيك من العمارة*!
ـــــــــــــــــــــــ
* غسل الشاحنات المحملة بالأغنام والقادمة من العمارة للبصرة.