اغنية عن ساحة التحرير / رياض النعماني

طالعين .. من كل حجر طالعين

من كل شجر طالعين

من كل مطر

مثل القدر طالعين

سدوا الشوارع .. كلبي طير ايطير فوك السمه ،

وينزل غرام بساحة التحرير

دجله..... الفرات ..... الشعب

كل العراق بساحة التحرير

غني...

الهوى والكلب صاروا ارق

بيت الخليفه ورق

وحجي الخليفه ورق

وعده وكلامه ورق

كل التشوفه ورق

..........

روح الزمان امن. العدم هبت

بغداد... من ليل الحزن طلعت

ميغير التاريخ .. الا قوة الساعد

الا العلى جروحه يظل صاعد

الخيل تركض قرمطية ، وجامحه

ما توكف الا والقصور امهدمات وطايحه

نمشي بهوى ، ونطلع كمر

انهز الهوى براية نصر

ورده .. لكل عسكري وي اهله ، وي شعبه

ورده لكلمن هتف

وما خان ضي كلبه

انغني... ونغني واحنا فرحانين

من كل حجر طالعين