ثلثين الطك لأهل ديالى / ابراهيم الخياط
- التفاصيل
- نشر بتاريخ الأربعاء, 02 أيلول/سبتمبر 2015 19:51
نتظاهر ونحبّ ديالىثلثين الطگ لأهل ديالى
هم عشاگ وهم خيالة
ثلثين الطگ لأهل ديالى
نتظاهر ونحبّ ديالى
ثلثين الطگ لأهل ديالى
ولد العم اولد الخالة
ثلثين الطگ لأهل ديالى
نتظاهر وندز رسالة
ثلثين الطگ لأهل ديالى
خلّ يسمع مجلس الوشالة
ثلثين الطگ لأهل ديالى
نتظاهر ونغيّر الحالة
ثلثين الطگ لأهل ديالى
حكمونه وطلعوا نشالة
ثلثين الطگ لأهل ديالى
هم حكام وهم حيالة
ثلثين الطگ لأهل ديالى
باعوا دولة للدلالة
ثلثين الطگ لأهل ديالى
ولعبوا بينه لعب الفالة
ثلثين الطگ لأهل ديالى
شي عطالة وشي بطالة
ثلثين الطگ لأهل ديالى
وبقونه انگابل هاللالة
ثلثين الطگ لأهل ديالى
وهاي الديرة كلها زبالة
ثلثين الطگ لأهل ديالى
شوف الكرسي وشوف أحواله
ثلثين الطگ لأهل ديالى
هذا الحطه وهذا الشاله
ثلثين الطگ لأهل ديالى
نتظاهر ونديم الحالة
ثلثين الطگ لأهل ديالى
هاي الناس وهاي الهالة
ثلثين الطگ لأهل ديالى
والفاسد نِفسد أحواله
ثلثين الطگ لأهل ديالى
بسم الدين وباگ أمواله
ثلثين الطگ لأهل ديالى
باگ الكحل وباگ أمياله
ثلثين الطگ لأهل ديالى
وباگ الفرحة البينه اچماله
ثلثين الطگ لأهل ديالى
يلبس غالي والنه البالة
ثلثين الطگ لأهل ديالى
ويحسسنه انعيش ابجاله
ثلثين الطگ لأهل ديالى
لا ما نسكت لالا و لالا
ثلثين الطگ لأهل ديالى
هبّ الشعب وحسّ ابحاله
ثلثين الطگ لأهل ديالى
ايريد الخبزة ابحلگ اجهاله
ثلثين الطگ لأهل ديالى
والحرية وياها عدالة
ثلثين الطگ لأهل ديالى
مدنية الدولة تبراله
ثلثين الطگ لأهل ديالى
هذا الشعب وهاي أفعاله
ثلثين الطگ لأهل ديالى
ذوله احنه وذوله الخيالة
ثلثين الطگ لأهل ديالى