بالساحات تهتف .. يا جمالك / سامي سلطان

الى شباب سوح التحرير في أرجاء الوطن الحبيب

طارن. . طيور الحمام

الك غنن يا حمام *

غنن وعلن سوه

غنن لشعب العراق

الكله نخوة ومرجله

للأبد ما يرضى الخنوع

إله صوله معدله

يشهد التاريخ بيها

هيه صيحة مجلجله

زلزلت عرش الطغاة

فِساد ما الهم أصول ولا صله

****

عراقي

صبر علظيم. ...لا خوفا ولكن ...

حليم ..ولو غضب تهتز العروش

****

تعدل المايلة.. .يا والنعم بيك

بالساحات تهتف. .. يا جمالك

حلاتك من كمت كل احنه وياك

الك وحدك ..نضحي ونرخص الروح

وطن نفديك .... غالي وعالي شانك

حر شعبك سعيد ...وتزدهر دوم

امانيك ... سوه وي امانك

ــــــــــــــــــــــــــــــــــــ

* حمام نور... استشهد دفاعا عن الحق والعدل وهو في ريعان شبابه متحديا عصابات الفساد من ازلام البعث المجرم