عاجل / سعيد الشفتاوي
- التفاصيل
- نشر بتاريخ الخميس, 10 أيلول/سبتمبر 2015 18:14
عاجل عاجل عاجلمنِريد نموت بالآجل
ما بيكم تخدرونه ونگول إفيش
ولا نرضه بچذب مجنون لو عاقل
عاجل
هذا الشعب ما نايم
ولا يسمع سوالفكم التعبانه
يظل راجل
عاجل
آخر جمعه الكم هاي
وبعدين الفعل نازل
ما عدنه الذي نخافه
ولا فدشي يستاهل
عاجل
علامات الصبح بينت
ما ظل عتب لتأجل
عاجل
اطلع للشعب اعلنهه ثوريه
لا تلتفت للباطل
عاجل
هذا البلد يتلگاك
اهله وناسه
من فلاح وي عامل
فرصه من الذهب
يعبادي اغنمها
تره التسويف يذبحنه ذبح
وانصيحلك فاشل
عاجل
للتاريخ نجمه ارسمها واكتبها
لا يهمك دعاة البوگ
لا اتجامل
عاجل
إمشي الشعب عون وياك
ما نقبل تراجع منك -- اتماطل
عاجل
اضرب بالفساد
وجيب المعدلين
اصحاب الايادي البيض
بس حاول
ما نطلب منيه تراها احگوگ
ونريدك علم عادل
عاجل
من حيدر علي الكرار شد عزمك
والراية ابي الاحرار
ظل حامل
عاجل
الحگ للوطن
من گبل ما يخرب
صوت المرجعيه وياك بالكامل
عاجل
باوع عل الشعب
يومه هلاك وليل
آلاف التهاجر تعبر الساحل
مو وسفه علينه انعيش مهضومين
وبگعنه النفط ما عدنه كل كافل
عاجل
نعلنها جزم
آخر نداء اليوم
هل الآلاف دتناضل