ياصوت الضمير / كاظم السيد علي
- التفاصيل
- نشر بتاريخ الأحد, 13 أيلول/سبتمبر 2015 07:55
صيح ...ياصوت الضمير بعالي صيح
الوطن محتاجنه ينزف جريح
صيح ضد هذا الفساد
حته اطفال البلاد
تعيش اتنام بأمان وتستريح
صيح .. صيح
يا اهلنه الغيره ترضه !!
غصن ورده يموت برضه ؟!
نريد نعيش بسلامه
بغيرة وحيل النشامه
الهبت اعصار ويه ريح
صيح .. صيح
هاي ساعتنه يعالم
للحرامي مانسالم
ايد وحده كل زلمنه
بهاي كل هذا املنه
ومايصح إلّه الصحيح
صيح .. صيح