نداء / طارق حسين

نداء.. نداء .. نداء

الى طاقم حكومتنا العنيده

اسمعونا ولو مره

أصبحت عيشتنا مره

المشاكل تعصف بكل البلاد

والأمل مشكوك بأمره

* * *

احنه من قال وبله بهذا الوضع

وجان أملنا الليل بيكم ينقشع

تالي ما تالي صفت كسر بجمع

لا حظت برجيلها

ولا خذت سيد علي

* * *

هاي دسته اسنين وحنه امصبرين

لا شمس طلعت علينه ولاخبر منكم يقين

كل أرضنا كربلا وكل عراقي أصبح حسين

والما رضه بجزه رضه بجزه وطلي

ولا حظت برجيلها

ولاخذت سيد علي

* * *

يادعاة العدل ونصار الفقير

احنه في محنه ولا من مستجير

غابت الرحمة وخفت صوت الضمير

وصبّح الواطي على الحره ولي

ولا حظت برجيلها

ولا خذت سيد علي