عاشك وطن / حيدر الاديب

الوطن وآحة ...بالضمير الحي

غيره ... وترتوي ..وتتصاكط دموع الفرح

من يرتفع ضيّ ... وانته

انته من ذوله الصدك ..

شايل بروحك وطنه ..

وكلبك يداور تجاويفه بمحنه

انته عاشك ... بين ثدي امك والوطن

عاشك ( فسيلة )

هيه ماضاكت رضاعه . ..

انطت الفلاح من طعم الكلب .... وصار

من هذا الطعم يحمل شجاعة

انته شوغاتك عجيبه ...

عشكك بسد السواتر

لاسوالف عشك معكودة بكصيبه

ولاسوالف والده توصي الحبيبه

وبين هاي وذيج ... لن صوت الوطن

طالعلك بخوذة وحقيبة ..

هذا عمرك ... مثل دشداشة جديده ..

والوطن لعبة مذاوة .. تخرمش السلطان

بحجاية جريدة ...

انته بين جفوفنه نشربك يصافي

وبالذكر ... شدنه محاجيك ومواويل وعوافي

لاتجافي ... شيلة امك طرزت جرحك جفافي

لاتجافي ...