ظليمه / محمد مخيلف
- التفاصيل
- نشر بتاريخ الخميس, 14 كانون2/يناير 2016 14:21
توهه تحلم توهه تضحكحتى مــــا تعرف تضوج
طفله طفله
وگمطوهه ابدله بيضه
وشايب اكبر من ابوهه
مد ادينه وجرگصيبه ... والمصيبه
دزت اعتاب بقصيده لامهه گالت:
يمه سوده بوجه ابوي
الوافق انزف اعله موده
يمه سوده يمه شفته من الجگاير
لعبت نفسي وبچيت
يمي عيني بعين الله
وعيني الأخرى بعينه صارت
دنجت راسي استحيت
بويه گتلك وصخ دنيا
بويه لمه شما تلمه ما يعمرلك ترافه
اني اعرف يمنه شاعر
عنده ورقه وعنده بيت
بيت شعري اعله المنصه
بيت من گد الترافه حتى حيدر گله عيد
اني طفله وعندي مبدأ عكس ابوي
الورده من تسگيهه نثيه ايخضر بريحتهه شاب
الصفنه من تصفنهه نثيه تحلم بفارس اصيل
تحلم بفارس اصيل وماتريد فلوس منه
حتئ لو يملك صريفه
بس شرط بيهه امنيات
بيهه تعشگ من صدگ مثل البنات
وبيهه نحلم من صدگ نلگه حياة
وبيهه نلگه وكلشي نلگه
نلگه خاتم للزواج
نلگه انسان ابن اوادم ياخذ الورده بستر
ياخذ الورده بحنان
ياخذ الورده بدلال
ياخذ الورده بلطف
وانت ماعندك ترافه شلون تلگالك ترف
واخر حچايه لأبوي
شوف نفسك بالمرايه
وغمهه زين
قصدي خل هي تغمك
ومن تكمل غم نفسهه
وگلهه وردتنه تگلج بعد ما امشط عليچ