عساها ابخت هساده / سامي سلطان
- التفاصيل
- نشر بتاريخ الإثنين, 11 تموز/يوليو 2016 17:15
وسط سوكج يا كرادهاحترك كل العراق
اختلط دم ابدم.
ودين بدين
عساها ابخت هساده
مالحكَنا حتى نكَول
أجانه العيد.
عسانه نكون عواده
أنكَلب مأتم علينه
وراح أعز الناس
اللة يساعدج يمه
صار الحزن يتناده
مادام الجماعة بخير بالخضره
متونسين كالعاده
خل تحترك كل الناس
خل تنهجم كل الثورة والشعلة
بغداد الجديده
وخل تنفجع كراده
خلص كل الحجي وياهم
بعد هذي المصيبه
شتحجي وياهم
حرام الجان اشوف النوم
حرمة حتى الوساده
ادور عل الوجوه
الوشحتها النار
الما تنعرف. .يا داده
اصرخ من وجع كَلبي
الف يا حيف يا حصره
على هاي الشباب تروح بالمجان
الف يا حيف يا وسفه
بسبب ذوله الي باعونه
برخص، ويعيونهم صلفه
كَعدوا عل الكراسي غمها من صدفه
هذوله مو أهل كلفه
هذوله ومو أهل كلفه