الايــــام / احسان محمد علي
- التفاصيل
- نشر بتاريخ الجمعة, 23 كانون1/ديسمبر 2016 11:13
انا بسجلك رقموانت بسجلي رقم
ومن يمسح الارقام
من يعرف الصار او جرى
ومن يحسب الايام
ومنو شاف الگمر بطلعته
وما غنّه .. او ما هام
الشاعر نبي بغربته
وكلش نذل
من يكسر الاقلام
آني أغنّي الموطني
العاشر مؤتمر
السعف النخل
الكل فارس شهم مقدام
من دمه زكى تراب الوطن
ومن موتته هم گام
يا موطني يا أول لحن
أول حرف
أول رسم
أول شريعة حكم
يا أول الاقوام
الله أول ما خلق (بغداد)
يا موطني مايك عذب
وسيفك ذرب
يگطع راس العدو
وكل واشي والنمام
يا موطني صرخة (علي) بالكوفه
هزت منبر الأصنام
سيف الحقيقه إنجلى
وخل تزعل الاقزام
يا موطني حبك نغم
ورايه .. وعلم
وبستة وفه بيها اليحبك هام