يا ورده و عطر جنه / قيس السهيلي*
- التفاصيل
- نشر بتاريخ الخميس, 06 نيسان/أبريل 2017 18:08
يا ورده و عطر جنهيل فهد و سلام منه
حزبه و نفرح إبعيده
نحبه موت و نريده
حتى الهور إله غنه
لن فهد و سلام منه
***********
يا حزب الشهيد .. و رايه حمره
شما تحمل تطگ .. اتصير خضره
بآذارك سمانه .. امعيده و مگمره
بيضه .. بلون الگلوب
مطرهه .. يغسل اذنوب
ولچفوف الشعب حنه
لن فهد و سلام منه
*******************
صمام الأمان .. و زين دنيانه
يا نخلة وطنه .. الدافيه احضانه
كل الناس تعرف .. گلبه عالسانه
شموسه. . بكل البيوت
اليعشگه .. أبد میموت
و كل طيب سأل عنه
لن فهد و سلام منه
******************
يا حزب العداله .. و ريحة الياس
يا شمس الشموس .. و رفعة الراس
كلك طيب .. صاير مثل للناس
بيك الكل يحلفون
منك طلع سعدون
إل على عناد الموت غنه
لن فهد و سلم منه
ــــــــــــــــــــ
الشاعر قيس السهيلي بعث بقصيدته يهني الحزب الشيوعي العراقي بعيد ميلاده الثالث والثمانين
القاها الشاعر في احتفالية الحزب في لندن يوم 31 آذار.