النجم.. لعيدك الثمانين وللرفيقة خانم زهدي ورفيقاتها/ ناصر الثعالبي
- التفاصيل
- نشر بتاريخ الإثنين, 23 كانون1/ديسمبر 2013 12:15
النجم يسهر يضوي الليل
تتباهه طلعته من يلم انجوم
وبسر المسافه البينها وبينه
يسولف عن امس واليوم
عن نجمات ضوًن من لهيب الشوك
وعن نجمات ما ملهن سماهن
واعتلن للدوم
ونت نجمه تلم انجوم
كل ظلمه يعذبها الضوا من بعيد
صعبه من يواكحها ويعز السوم
كالولي على جفك حلم للناس
يولد بالفجر بين الصحو والنوم
وكالولي الفجر مشط ثمانينك
اوزعها اعله دجله
والفرات ابهيبته امن ايكوم
لف بيها الجبل والهور
وكل رمله بهدب صحرا
وعلى ريش الصكر والحوم
طش ايامها فوك النخل لكاح
يتباها رطبها ابفرحة الزردوم
يا نجمة عشكنا اشما يحط الضيم
تشع فرحه بسما المظلوم
يا مهرة تعب عمال
فرحانه بسرجها اويعتليها الزوم
يا نجمة فرح فلاح
من الكاع تخضر والطيور اتحوم
يا حنة عرس ..يا ركصة احديثات
يا غفوة صبح لو عز عليهاالنوم
يلمعانك رفاكك والجروح اهواي
يل شايل جرح ملجوم
إنتْ اول جرح يتعارك اوي الدم
يا اجمل صبي ابصبر الوطن مفطوم