يوم الشهيد / محمود العكيلي
- التفاصيل
- نشر بتاريخ الجمعة, 28 شباط/فبراير 2014 12:38
في ذكرى يوم الشهيد الشيوعي أهدي قصيدتي
الى ارواح شهداء الحزب الشيوعي العراقي
نخبة من الكواكب ظلّوا إمنورين
يضوون الدروب بعيون كل الناس
ضحوا للوطن ما همهم ايعيشون
ما رادوا حياة البيهه طخت راس
صاروا بالشهاده مثل للغير
وگفوا للوطن ابكل عهد حراس
ثلاثه للمشانق صعدوا ابلا خوف
فهد، حازم، وصارم رفعوا النوماس
قاده ابطال صاروا قدوه للثوار
يوم اربع طعش بشباط ما ننساه
بيه أبشع جريمه نفذوها أنجاس
وحل عهد البعث بثلاثه وستين
وبيان إثلث طعش خله الضحايا اكداس
ضحايا شباط ما ينساهم التاريخ
أهل نخوه وبطوله وتضحيه وإحساس
وما ننسى (سلام) المات بالتعذيب
مشت روله إعلى جسمه ودمه ظل نبراس
جموع استشهدت والموت بيد كزار
ما يرتاح الا ابگطعة الانفاس
ولا شفنه قصاص ايحاسب الجلاد
أشغلنه الوكت باخماس وأسداس
العذّب عراقي وذوّبه ابتيزاب
هاليمشي أعلى طوله وإيتحدى الناس.!
چا وين العداله التنصف المظلوم
والقانون گالوا عادل وحساس.؟
عَلم يبقى الشهيد ابساحة الثوار
بطولاته أصبحت عند الشعب مقياس