بطاقة تهنئة / شعر: داود الغنام
- التفاصيل
- نشر بتاريخ الأربعاء, 19 آذار/مارس 2014 18:26
بطاقة تهنئة من الملايين
يا حزب الشعب وياك ماشين
لأن الليلة عيدك
اجينه نقبل ايدك
تظل انت ابونه يا ضوه العين
* * *
بطاقة تهنئة من الجماهير
يبو احلى السوالف والمناشير
اذا حار الزمن وياك منحير
يتراب المحنة وريحة الطيبين
* * *
نحبك مو لأن انت حزبنه
ولا لنك جرايدنه وكتبنه
نحبك يا كَلب عاش بكَلبنه
ومشينه وياك للاخر شيوعيين
* * *
فهد علمنه وبفكره مشينه
ورضينه الموت.. بالذل ما رضينه
نعم طاح الجبل واحنه بقينه
مثل هذا الوطن حب وبساتين
ــــــــــــــــــــــــــــــــــــــــــــــــــــــــــــــــــــــــــــــــــــــــ
داود الغنام
ـ شاعر غنائي
ـ عمل مدرسا في اعداديات البصرة لسنوات طويلة.
ـ كما عمل مدرسا في معهد الفنون الجميلة بالبصرة.
ـ حاليا يعمل مشرفا فنيا في مديرية النشاط المدرسي بالبصرة.
ـ كتب عشرات الاغاني منها:
لفؤاد سالم ـ آخر زمن يا زمن، يا طير الرايح لبلادي، تعودت، ضي الكمر
لقحطان العطار ـ مو غريبة
لمائدة نزهت ـ محتارين
لياس خضر ـ تايبين، ولو تزعل، على مهلك، على مودك
لأحمد نعمة ـ على العنوان
لكاظم الساهر ـ شخص ثاني، انتهيتي من حياتي، علامك يا بعد روحي علامك