قصيدة للعيد: لذكراك الثمانين ثالثة / ناصر الثعالبي
- التفاصيل
- نشر بتاريخ الأحد, 30 آذار/مارس 2014 22:07
ريح إبَضنَك حر او عوزة عيال
جفن َلمْ الندى من نوم السطوح
جذع ما مال غصنه ابوكت ميال
ولا غركت اجذوره ابكثرة النوح
سما ايشيل النجوم ابفرح عمال
مطر غيمة سعاده اتخضر الروح
فلاليحه نشامى ابزند شيال
ولو ذلت الدنيا اومطرت أجروح!
***
ميلاد الحزب دلة دواوين
اليسار ايشيلها ابهيبة مناره
يخط فكره الرفاكه خط نياشين
النوايا السود ما غطت افكاره
ولا نكس اعكاله طول السنين
عفيف ابعزته ويحسم خياره
صحيح ايجوز لان........ او يعرف اللين!
يكلف وهجته ويضعف شراره
***
يبو الغيره الحزب يا بيت الافراح
يل حظنك دفو بليل المواويل
الوطن همه جبير اوماكو مرتاح
وازغار الزلم فوك الشناشيل
اوعله جفك المحنه او انت مرواح
ميلها تراها اترادت ..اتميل
اذا ظلمه الوطن بالجاي والراح
انثرله ورد فَيْ اوقناديل