الشيوعية الضمان ( أغنية شيوعية ) / حامد كعيد الجبوري
- التفاصيل
- نشر بتاريخ الإثنين, 21 نيسان/أبريل 2014 21:07
باچر يفوز الرهان ... وننتصر بالبرلمان
( للشيوعيه ) أنتخب
غير شعبه ما يحب
والشيوعيه الضمان ... باچر يفوز الرهان
***
إحنه طاقتنه شعبنه ... إحنه مشروع البديل
امجربين ابحب وطنه ... والوطن غابة نخيل
إحنه جزَّعنه المنافي
والوطن شهكة عوافي
والشيوعيه الضمان ... باچر يفوز الرهان
***
إحنه إيدين النظيفه ... مو حچي گول وفعِل
الصدق عدنه الوسيله ... وما تِزِل بينه الرجِل
للطفل نكتب نشيده
والوطن يتعلَه بيده
والشيوعيه الضمان ... باچر نفوز الرهان
***
للعراق أضويله شمعه ... والحزب غابة نحَل
لا يمل من الثقافه ... ولا يمل من العمَل
شاب وثمانين عمره
عالمشانق خله ذكره
والشيوعيه الضمان ... باچر يفوز الرهان