للشهيد الشيوعي / ضويه هادي
- التفاصيل
- نشر بتاريخ السبت, 14 شباط/فبراير 2015 09:22
من يدّليني على كَبركوحزن سنين متراكم بالكَلب حسرة
عيوني من الدمع نشفن
وي هموم وأحزان الوكت رمدن
وأنشد الصحبة على تذكار
لو هلبت وصية عفت كَبل ماتروح
وتغادر للأبد الديار
ياحزن السوالف الما كملن
وجيّة يوم تهل بيها بشاير فرح ما هلّن
مامش ابد بحياتك ما مرّن
ياروح اشكثر تتكابرين
شكثر تفتخرين
وجم واحد تعدين
وشما كَللتي ما توفين
لجنهم حمام وطار
شموع بدرب اظلم
سد بهيبة رصاص العدو بصدره
وعلى المشانق بفخر وبعزة تكَبله
هذا الشيوعي لو ينخاه الوطن
وتنخاه الناس
تلكَاه على يمناك
بكل صرخة وبكل شدّة
يكَول بعزم انه اهنا عد عيناك
اوفي النذر والعهد
وما اخون الأمانة ولا ارضى بالذلّة