مسـرح / كامل الركابي
- التفاصيل
- نشر بتاريخ الأربعاء, 29 نيسان/أبريل 2015 19:03
النهرمن يعبر مدينه
يْضيع حسه
الشارع البي
ناس مزدحمة ابد
مايضفي ع الحلوات
لمسه
الگهاوي البيها
اصوات
الاغاني
الچايچي
الروّاد
رٓن الاستكاين
الحبيبه
شلون تسمع
من حبيب العمر
همسه
گبل چانت مسرحيه
العوني كرومي
(مسافر ليل)
بيها النبض
يفقد حتى نفسه
لو عذاب
النخله والجيران
وي زينب
وشوقي
تسمع الابره
اذا طاحت
بصدفه
شلون هسه؟
ناهده
وبعيون من الروح
تهمس:
انت مو كل مره
من نگعد تذكّرني
بزمنّه
فدوه انسه!