سلام عادل / عريان السيد خلف
- التفاصيل
- نشر بتاريخ الإثنين, 20 تموز/يوليو 2015 06:58
منايانه غفل والدنيه غدارهوفواتحنه اكثرت والدمع يجّاره
وشارتنه الگبل تحرگ بسابع صوب
هسه أحنه النخاف تلوحنه الشاره
حزب چان اليمسه يموت گبل الموت
وعلى هاي النوامر كبرو ازغاره
وچان اليشتهينه اندگ عليه الباب
وانخلي على راسه الفشگ گباره..
وچان الموت يصفن من يريد يعيل
ومن نصرخ بوجهه يبدل افكاره
سلام ابايسكله يدور الولايات
وما يمشن وراه عشرين سياره
وابو محيسن ترف ويخوض ماي الهور
وبدمه الگصب يتباهن اگصاره
وحسن نايب عريف وغير التاريخ
وثاير ما تحمّه ابنار ثواره
وابو كريّم نصير وشعل كردستان
ولسه وكل رفاقه اتسولف اخباره
يا موت العفه ارحمني برصاصة موت
ولا ظلّت دجاجة بيت دواره