ادب وفن

باچر نقاضي السلطان / حميد الموسوي

دمروا بيتك يا وطن
وفلشوا كل البنيان
غربان سود النهشتك
ومحميه من السلطان !
والنهش صار إلهم طبع..
وأنهش حتى الأنسان..!
ما ينفع نصلح !
ونصبغ بيبان..
وعشوشهم ممتده
وي الحيطان !
ما ينفع وياهم بعد..
صاح الوطن..
وصوته عله وي الأذان
صوتك وصلنه ياوطن
وهبت وياه الشجعان
وصوت الشعب وياه هدر..
وقرر..
يطرد الغربان .
وينظف الحيطان من عشوشهم !!
العشعشت بيهه الجرذان......!
باچر شعبنه المنتفض.
باچر يعلي البنيان .
باچر شعبنه المنتفض .
باچر يقاضي السلطان.