دك كلبي* / مقداد جاسم جمعة
- التفاصيل
- نشر بتاريخ الأربعاء, 23 كانون1/ديسمبر 2015 20:02
يدگ گلبي الك دگات ليليهأحط إذني على الشريان أسمع كل غناويه
يترجملي النبض جلمات .. تاخذني وتفر بيّه
وهيس الروح ماهيه
تطوف ابدنيتك وسماك تتعبها وترد ليه
تسولفلي .. تذكرني بسوالف موش منسيه
على اطراف اللسن هيه
تظل بيهه التعرفك زين تتشايم
يلن اربات زهدي وبيك صافي الدم
يا صخرة وعليهه الروج يتلاطم
يل صدرك وسيع وضاع بيك الهم
يافلتت زمان بصورة ابنادم
يا .... مدري شگول الوصف ما يلتم
لاچنها يا شاعري هذي سواني الدهر
ويّاك أبد ما نصف داس الضمير وعبر
خلاّك شجره ابكهف محرومه شوف الشمس
وحتى الهوه المحصور بالحيطان شميته من امس
وحتى الشته والصيف بحسابك سوه
عندك سوه باجر وامس
وعندك الموت اليرهب ابنادم دفو
حنّه وعرس
والحچي ايمض بيك .. هيله
الحچي بإذنك يمر اخيال جيله
والسبب گلبك جبير .. وكلبك ابيض
والضمير البيك يسمر بيرغ ابيض
والهوى المر بيك عذري اواعديته
وانت كوكب ماسهه وتيه مداره ومانسيته
ابشهگت الريّه شريته .. وانت شاعر
والشريف ايبيع ريته وماهو حاير
انته دنيه ودنيتك هالة مشاعر
انته چلماتك تلف داير مداير
انته چلماتك ضوه فوگ المناير
انته چلماتك لعد گلبي جرح
انته چلماتك لعد جرحي جرح
وانته انته
انته ابو ( احجاية جرح ) انته ( ابو حجاية جرح )
ــــــــــــــــــــــــــــــــــــ
* مهداة الى الشاعر شاكر السماوي