سحابة
رايح ابنهرالفرح
يسبح حبيبي
وجاي من نهر الحزن
بلل
أثيابه
شجره بانت
روحه خضره
وصارت من الماي
غابه
مدري شنهو ايظلله
بمشي الظهر بالبصره
سرحان ابكتابه
ناس گالت :في شمس
في ناس گالت :لا
سحابه !
خديجة
وين رايحه أبهل ظهر
والشمس حمره
وانتي عندچ شغل بالچرداق
تتمايل سگوفه
من سموم الهوى الشرجي
ومن گطوفه
گالت وضحكه اعلى شفتها الشغوفه:
رايحه بطرگ المشوفه
رايحه المحبوبي أشوفه !
الخبز
بعد طعم الأهل
مازاد يتمرّى
تردون الصدگ
لليوم
ماماكل خبز برّه !