اهزوجة شعبية / عمر السراي
- التفاصيل
- نشر بتاريخ الأحد, 03 نيسان/أبريل 2016 09:24
أطول من مشانقهم تظل دوم
سنابل تملي كل الدنيا وغيوم
أعلام و شعارات
تملي الدنيا فرحات
والطيبة بصمتك
(2)
بسمة انته ودمع بضفاف العيون
أصيل وشيمتك كحلة على الجفون
ليش نحبك احنه
لان رايات اهلنه
بفطرتها انتمتلك
( 3)
أحمر مثل دم الشمس والغار
تهوسلك نساء وشيب وزغار
وعامل ويه فلاح
ايد بإيد مرتاح
يطك نور بدولتك
( 4 )
وطن حر وسعيد بظلك يصير
وشعب يشتل ربيع چبير وزغير
كفر عنك چذب گال
بعثي وألف دجال
عراقي انته بنخوتك