في مناسبة الاول من أيار .. قصيدة للعمال / بهجت الجنابي

فرحانه الدنيا ومبتهجة بواحد أيار

محتفلين بعيد العمال اصغار إكبار

مبارك والله بعيدك

يا عامل عاشت ايدك

بهاي الهمه نريدك

دونك ميصير الاعمار

تبني بلادي ويا محلاها زنود السمرة

من زاخو بساعدكم نبني لحد البصرة

صباغ وخلفه وحداد

انتم صناع الأمجاد

ظلم الطاغوت شما زاد

لتالي اظلون احرار

يا عمال العالم يلا اتحدو بهمه

نتوحد ع الوطن الغالي نزيل الغمه

ضد الفاسد وحدتنه

ما تتراجع ارادتنه

خل تتعداه صرختنه

نبقى نرددها شما صار

مكشوفه اللعبه وعرفتها كل هاي الناس

نعرف أصغر فاسد بيكم ولأكبر راس

ما نسكت ونريد إصلاح

اله نغير ما نرتاح

بصوت العامل والفلاح

نهزمهم ذوله الاشرار