ادب وفن

احبك / عبد الكريم صالح العامري

احبك وادري باليعشگ
عذابه يصير بيدين الحبيب
مسودن بشباچك تعلگ
مراد حسباله وطبيب
شلون يلعاشگ ترده
بحضرتك عاشگ يخيب
٠٠
لاتغرك يوم ضحكت دنيتك
تحذر الهه ولاتصفي وياها
بالك نيتك
يامدار الياخذك ب افلاكه دور
هلال هم ترجع حياتك
لو صرت شمس وبدور
قصه انته. وذكرى انه
نصير باچر للعصور
٠٠
هاي دنيه ولقنتني دروس مره
وعلمتني الفرحه من اتطول خطره
وحمره تصبغلي حياتي
لو عشت لحظات حمره
وعلمتني الروح ضيف
ورافگته النفس مجبوره عله سفره
حيل وعره
تبتدي باحضان امي
وتنتهي بحضن النصيب
وصارت الصفنه محطه
وكل خيال البيهه ذيب
ينهش بعيني رسمهه
وفكره ماتت
وبعثت روح بحلمهه
وعلمتني انته آيه
ومعجزاتك يل حبيب
قبله للناس التحبهه
ولليحبك
وجهك لشطر المغيب