الملح يلتم / رائد الأسدي
- التفاصيل
- نشر بتاريخ السبت, 16 تموز/يوليو 2016 19:20
اليوم الملح يلتم يجرح الگاع شد حيلكالنوارس عدهة ثار وياك
الشجر ما بي بعد ظل ويفييلك
والدنيا بعد ما بيهة كل مضموم
وما بيها بعد رمضان حتى تصوم
يجرح الگاع خليني اشوفك گاع
يطگ بيهة الشلب ويخضر النعناع
المطر موجود.. الدمع موجود
خضر عاد
ما خوفو الليل اللابسين السود
يجرح الگاع لا تحتار
السمة من تصحة تلبس بدلة العمال زركة تصير
لگاع السمره عشگت سمرة المتعوب ليش تحير
شد حيلك.. دشد حيلك
ملح الگاع وسمار الگاع متفقين عالتغيير
اجا وكت الملاگة وناس تعرف ناس
نطش كل جرح بينا ونرجع نلمة
اجا وكت الملاگة وليل يعرف ليل
بس يا ليل راح يغازل النجمة
نندل كلشي نندل على الظلمة سباع
عدنا عيون حيل وساع يغازلنا النهر بيها
ننام شما ننام يطول الليل
نومتنا حلم بيها
الشمس عليل صبرت مو كسل لا خوف
بس صبرت تريد تشوف تاليها
ويصير الصبح ما تبقى طبكة بعين
اكو جاكوج يطك ويطلع الغبشة على راعيها
تاخذنا السنين ويفر بينا الضيم
نرد والله نرد والعمر بي رجعا
ونجيب القيامة ويانة من انعود
بعد يا عذار هذا تريدنا انقنعا
وحگ ليل الثكالى ولوعة الايتام
ناخذ ثار كل دمعة
وحگ الطلعوا الجمعة
عرفنه الصدگ والموصدگ والبدعه
عرفنه الزين والموزين بالسلعة
الملح يلتم ياهو اليگدر يمنعه
الشعب قرر بعد شيكظه شيرجعه
وانا ابن الشعب وعرف شنو البية
تحريرين عدنه اليوم ارهاب وحرامية