ادب وفن

كف عوافي / كامل سعدون العتابي

حكايات من بين العشق الاول والسنين تثأر لأعيادها لتعتقل فلاَّح العوافي :
چف عوافي ... وصم دلال ... وگمر ديره ...
وگضبة أمعرسين وأخضاب وعطر
والمخده اوراق دفتر ... ذكريات ... ذكريات
ولعبة أحديثات والحنه جمر
والگصايب عين عذبه تندي طيب
طيب .. طيب .. والگذله جسر
والسوالف عشگ بدوي ... جناغ لو فززها تضوي
إزغيره تتمنه السمر ..
إخويط ليلو يخاف من نظرة بشر
رايجه بذاك الخبر
وحبنا يكبر ... حبنا يكبر
من درابين الولايه بنبع اخضر ...
إبصوت من ناي الربيع الحلو عمره
بشجره زفتها البلابل خصر سمره
دورة الدنيا شمسها ... دورة الدنيا ضواها
دورة الدنيا همسها ... دورة الدنيا سماها
إمعاشره جروف الشواطي
إتناغي لمات البلابل ... نشدت المنجل سنابل
والسنابل عطش لأنغام الهلاهل
إتنادي فلاح العوافي ...
الگاع عشگت وانت غافي ...
ومشن ترفات الچفافي ...
وبس حمام يزيف حبنه ... يزيف ودنه
شگت عيونه كحل ... شگت عيونه شتل
إشراد وشجايب خبر ...؟
إيريد جرفين ونهر
إيريد ضحكات ومهر
إيريد خصرين وسمر
إيزفها عيد .. إيلمها عنوان وبريد
إيرد سمار الروح والمبسم جديد
وأنتَ جرفينك موده .. أنتَ صوبينك گمر
تعبت الگمرة وضويت ...
وآنه لعيونك صحيت ..
وصبح بأحضانك لگيت
وأشلگيت ... أشلگيت
چف عوافي .. وذمه وإحسان وبخت
وصم دلال .. أوياه دلاّلي سكت
ولحن ديرتنه ترافه .. (البنفسج والعزاز وياحسافه)
أيوادد أسنين العمر
إبلعبة حديثات والحنه جمر
الحنه جمر
الحنه جمر
كامل سعدون العتابي
حكايات من بين العشق الاول والسنين تثأر لأعيادها لتعتقل فلاَّح العوافي :
چف عوافي ... وصم دلال ... وگمر ديره ...
وگضبة أمعرسين وأخضاب وعطر
والمخده اوراق دفتر ... ذكريات ... ذكريات
ولعبة أحديثات والحنه جمر
والگصايب عين عذبه تندي طيب
طيب .. طيب .. والگذله جسر
والسوالف عشگ بدوي ... جناغ لو فززها تضوي
إزغيره تتمنه السمر ..
إخويط ليلو يخاف من نظرة بشر
رايجه بذاك الخبر
وحبنا يكبر ... حبنا يكبر
من درابين الولايه بنبع اخضر ...
إبصوت من ناي الربيع الحلو عمره
بشجره زفتها البلابل خصر سمره
دورة الدنيا شمسها ... دورة الدنيا ضواها
دورة الدنيا همسها ... دورة الدنيا سماها
إمعاشره جروف الشواطي
إتناغي لمات البلابل ... نشدت المنجل سنابل
والسنابل عطش لأنغام الهلاهل
إتنادي فلاح العوافي ...
الگاع عشگت وانت غافي ...
ومشن ترفات الچفافي ...
وبس حمام يزيف حبنه ... يزيف ودنه
شگت عيونه كحل ... شگت عيونه شتل
إشراد وشجايب خبر ...؟
إيريد جرفين ونهر
إيريد ضحكات ومهر
إيريد خصرين وسمر
إيزفها عيد .. إيلمها عنوان وبريد
إيرد سمار الروح والمبسم جديد
وأنتَ جرفينك موده .. أنتَ صوبينك گمر
تعبت الگمرة وضويت ...
وآنه لعيونك صحيت ..
وصبح بأحضانك لگيت
وأشلگيت ... أشلگيت
چف عوافي .. وذمه وإحسان وبخت
وصم دلال .. أوياه دلاّلي سكت
ولحن ديرتنه ترافه .. (البنفسج والعزاز وياحسافه)
أيوادد أسنين العمر
إبلعبة حديثات والحنه جمر
الحنه جمر
الحنه جمر