اغنية للميلاد / مهدي الحسيني

الليله عدنه اجمل عيد

الليله تتحنه كل ايد

انولد گمرنه من جديد

من كل خد حلو ينباس

............

بعيد ميلادك حبيبي..

اغني واعزف تطريبي

واعلن انته طبيبي

بمشاعر مليانه احساس

..........

اثلاثه وثمانين شمعه

تضحك .. تمسح كل دمعه

تنور الشعب وتجمعه

بچاكوچ ومنجل وفاس

............

السنبل غنى ورگص الهور

الگاع تهلهل والناعور

شعاعك يقضي على كل جور

ويخلي الوطن كله اعراس

...............

فكرك يشع كل مصباح

ينور عامل وفلاح

التغيير .. اول بند اصلاح

للفقره درس ونبراس

............

نضالك النه صار دروس

وكلشي بلواقع ملموس

كل فكره عندك عروس

عدهه حسن ما ينقاس

.......

الفكره تشهد للاحرار

طشو بذر كل افكار

ونخله زرعو بكل دار..

بنو فكرك بالاساس

طشو الورد وطشو الياس