ادخل ../ طارق حسين
- التفاصيل
- نشر بتاريخ الخميس, 06 نيسان/أبريل 2017 11:21
ادخل ..لا تِظَلْ بالباب
البيت بيتك
وأنته بي تنهاب
أدخل ياهوى الخمسين
والستين ..والسبعين
بعدك شاب ..
أنته الحيل يابو الحيل
ومن حيلك نمد إجسور للغياب
...................
فهد من دك أساس البيت
راد البيت يجمعنه
وإحنه بغير هذا البيت
مامش بيت يوسعنه
بخت ..هذا بخت
يرادله إمداراه
ودنيه إبلابخت
ما بيها كل معنى
...................فهد يابوي
بعدنه بسجتك ماشين
وبعدنه إنزامط بلينين
وبعدها الناس تسمعنه