نهنيك / علي الربيعي

نهنيك .. بعيدك نهنيك

ونغني بين الناس:

يا بـو إدين البيـض

ويا نهر دوم تفيض

ماعطشن سنينك

وعبـرن ثمانينـك

تغني ونغنيك ...

نهنيك .. بعيدك نهنيك

ونغني بين الناس:

يابو «فكر» متموت

وشيعنه ياما بيـوت

حـلو «الرفيق» الرحـل

وحلوة «الرفيقة»تموت

بس ضلت الرايـه

علو السما مرايه

ما مـلت تناغيـك ...

نهنيك .. بعيدك نهنيك

ونغني بين الناس :

ورد وشمـوع ويـاس

و«أنصار» فوگ الجبل!

حـر وبـرد ومتــاع

شكفة رفيف بـگاع

يا مـن نغنـي الحـزب

وشعدنه غيـرك نحب

تضوينه ونضويك ...