حزبي يا يمه / حامد كعيد الجبوري
- التفاصيل
- نشر بتاريخ الخميس, 12 كانون1/ديسمبر 2013 17:13
أغنية مهداة للحزب الشيوعي في عيده الثمانين
يمه يا يمه أعله بختج حنّي بيبان الحزب
حزبي يا يمه عَراقَه
أبفكر ويلاده ورفاقه
هلهلي يمه وخواتي وحني بيبان الحزب
يمه يا يمه
يحبيبه أعله بختج
***
يمه نجم الحزب عالي رفرَف أبكلب السمه
مو حَجَر بكلوب يعلَه وبسواعدنه أنبنه
يمه عشناها المنافي
والوطن شهكة عوافي
بالدمع عجنيها حنه وحني بيبان الحزب
يمه يا يمه
يحبيبه أعله بختج
***
يمه مو أسمي الشيوعي أسمي عاشك للعراق
حارس وبعيوني شعبي وشاد عالغيره النطاق
للطفل أكتب نشيده
الوطن شريانه أوّريده
وللوطن نرسمله جنه وحني بيبان الحزب
يمه يا يمه
يحبيبه أعله بختج