الى روح فنان الشعب الراحل فؤاد سالم / سامي عبد المنعم
- التفاصيل
- نشر بتاريخ السبت, 21 كانون1/ديسمبر 2013 19:04
ما أرثيك 
ما أرثيك ...
أغنيلك مواويل
لأن بس بالغنه يرتاح گلبك
يبرحية البصرة وخلگ هندال
رسمت الطيب كله إبگلب شعبك
صوتك چان عالي إبعلو الجبال
و إبكل مرجلة وفيت حزبك
جسدت الرجولة إبعزم خيال
ما طخيت راس أو خنت ربعك
شديد أو حازم إبوكت الشديدات
أو لو شفت الفقير إيسيل دمعك
مجبورآنه أودعك وأعلگ شموع
أوفوگ الماي يبقه إيضوي شمعك
إنتهت قصة غربتك نام وإرتاح
الحد الموت ما غيرت طبعك