شنهو انته / عمو كاظم
- التفاصيل
- نشر بتاريخ الأربعاء, 01 كانون2/يناير 2014 20:46
غنّـــه الچاكـــوچ بيمنــاي والمنجل هلهل بهدايخل نرگص اعزف يا ناي ومبارك عيدك ياهواي
مبارك عيدك يا هواي
- - - -
شنهو انته او دوخت الكون؟
شنهو انته بحبك مجنون؟
شنهو انته من فدوه العمرك
80 أو لسه زغيرون
چبير بفكرك ... ترف بحچيك
- - - -
خي عونه الحبك خي عون
شنهو انته اودوخت الكون؟
أو صاروا مگلوب يفسرون
ليحب شعبه ويبني وطنه
ايسمونه كافر ملعون
يا وطني هيچي ايصرحون
ايكفرونه ما ادري اشلون
واليسرق خيرات بلاده...
او ليزور ويزيد اصواته...
عن هذا بالله اشتگلون؟
ارجوكم بلكي اتردون
او شنهو انته او دوخت الكون؟
يا وطني نام انته بگلبي
گلبي يوسعلك ممنون
وسمعنه اشلون انلوليلك
اغفه انته بگلبي مامون
سنمضي.. سنمضي الى ما نريد
وطن حر وشعب سعيد