صفرطاس أبو اِدعيّر/ حسين جهيد الحافظ
- التفاصيل
- نشر بتاريخ السبت, 13 تموز/يوليو 2013 08:48
الى روح الشهيد الخالد الزعيم عبد الكريم قاسم
عشگ مامر على اِبنادم
عبر عشگ المطر للگاع
أبو اِدعيّر نبي الطيبات
صاري...... وللسفينه اِشراع
بيرغ بيد الاِمهوسين
عالي ......وللطلب فزّّاع
لا وأكثر بعد....وايزود مقياسك
يالساسك ذهب تيزاب
ما مر الدغش فد يوم يم ساسك
احساسك اعراق اِمن الجبل للهور
يالغافي العراق اِبلبة اِحساسك
وهواسك محنه .
.ابكل ثنايا الروح وهواسك
صح مالك گبر ينزار فوك الگاع
بس گبرك چبير اِبنص گلب ناسك
لحد هذا الوكت ...والناس تحلم بيك
واِتعطر هواهه ابِريحة أنفاسك
وبعدهي وثوب عرسك طيف
تتباهه الزلم بعگال نوماسك
وبعدهي اِرموش أهلنه
اِبطيب ينگل طيب حرّاسك
صفرطاسك كرم وانته البتت جوعان
لكن ناس ياما ناس
شبعت من صفرطاسك
كريم انته وكريم اِسمك
فرحان الكرم چي صار نبراسك
أبو اِدعيّر حلم كحل اعيون الليل
هنياله الجفن لو بالحلم باسك
يالراسك علم ما طخ أبد فد يوم
لاگه الموت عالي ومرتفع راسك
لأن باسك أصيل وساعة المركاض
زينات الأصايل ما تصل باسك
صفرطاسك كرم وانته البتت جوعان
وأطفال العراق أطفال..
رضعت من صفرطاسك
كرم والناس فرحه الناس
شبعت من صفرطاااااســـــــــــكككككك