في مناسبة ثورة 14 تموز المجيدة / علي العضب
- التفاصيل
- نشر بتاريخ الإثنين, 13 تموز/يوليو 2015 16:17
يالشطك نهر يا بحر هاي الناسيل كلك عالزرع ما تبخل
منك ترتوي گيعان وبساتين
وشطك ما نضب والبحر ما يمحل
منك ابحرت اول سفينة بليل
ربانك فهد صدر بيان اول
عمال وفلح.. طلاب . ثوريين
قادة لهل وطن تتصدر المحفل
من شط آل ازيرج حد ثنايه الهور
ثورة دزني وهلال شعبك هل
عمال المواني..جبال كردستان
انصار الحزب صعباتهم تسهل
جعفر والآلوسي والشهيد الطاح
وثبات الحزب تاريخ ومسجل
عبروا ع الجسر بالوثبة وبكانون
حته الموت صار من الزلم يزعل
نمشي اعله الفشگ لو لعلع البارود
كل واحد يگل للموت آنه اول
انترست كل سجون الحله والسلمان
وحزبك يا فهد يطلع زرع ثيل
شيوعي والحزب بي زلم مو غمان
لا تجبن ولا تزعل ولا تجفل
ولا ترضه بلهيب النار يصفه ارماد
ولا ترضه يطيح من ايدهه المشعل
صار احسن شعار مطرقة للعمال
والفلاح شايل بايده المنجل
الشعب فجر تورته 14 تموز
فك باب السجون وشيد المعمل
هذا اهو الطريق الخططه الثوار
فهد حازم وصارم حزبي معدل
لا دولة عميلة وبوگ واستعمار
ولا دولة حصص لو (حزب) ما نقبل
ولا عدنه شعب يتقبل التقسيم
موت وطائفية ارهاب يتسلل
ولا نرضه بدواعش شبر يحتلون
لو نص الشعب يتهجر وينذل
الشعب صف واحد موحد نريده ايصير
جيش ويه الشعب والحشد يستبسل
اموال الشعب للشعب كلهه تعود
واصلاح الزراعي يعود من اول
ترابك من ذهب يا وطن يابو الخير
وانهارك عسل وسهول وارض جبال
نزرع كل شبر بس السلام يعود
ونرجع بارضك ميت الف معمل
ونرجع بارضك ميت الف معمل