من إشراقات ساحة التحرير/ طارق حسين

ياحكومه ..ويا نواب

أنريد منعدكم جواب

لشوكت نبقى أبلدنا

لاجئين وأنتو ضدنا

لاأمان ...أولا سكينه

منهو سلطكم علينه

ياخساره الصوت بيكم

صرنه لعبه أبين أديكم

ساعة السوده أمن أجيتو

بعتوا بينه .....وشتريتو

جنه وين..وصرنا وين

لافرق بين الأثنين

جان ديكتاتور واحد

هسه صار الخير واجد

كلمن أيبوك أعله كيفه

وياخذ أمن الشعب حيفه

أجماله كلكم متقين ..!

وماعداكم ملحدين

هاي وحده من جذبكم

ماروتها بس كتبكم

الشعب فتح عيونه

مو مثل ما تفهمونه

كام والكومه جبيره

وكلمن يواجه مصيره

بعد ماينفع عتاب

من يحل وكت الحساب

أوين يروح المطلوب النه ..!