ايام مظفر النواب* / رزاق عبود

"يجي يوم نلم حزن الايام

وثياب الصبر ونرد لهلنه

يجي يوم الدرب يمشي بكيفه ياخذنه لوطنه

يجي ذاك اليوم، لكن آنه خايف

كبل ذاك اليوم تاكلني العكارب"

مظفر النواب

يجي يوم يا مظفر، تمنيت

وما اجه

وكلتنه العگارب واحنه عدلين

حشاك من العگارب يا ابن بغداد

انت ابن العراق، وسيد الامجاد

بس حقك تموت من القهر

يا ابن شريعة النواب

ديدان الزبالة على دجلة صاروا اسياد

وحرامية امس واليوم

صاروا للشعب نواب

ـــــــــــــــــــــــــــــــــــــــــــــــــــــــــــــ

* كتبت هذه الخاطرة الشعرية قبل سنوات. الان، وانا اسمع اخبار مرض ومحنة شاعرنا، واستاذنا، ومعلمنا الكبير، رأيت انه وقتها!