ادب وفن

قصايد / كامل الركابي

الى حسين الموزاني
بالطبع ، ليس رثاء
من تكون
انت بالشي
ذاته
باللب
ماتشوف
الشي ،
بُعد، قصر النظر
الغابه
مو غابه
شجر
والنهر
مو نهر
ماي
وحتى روحك
وانت تحسبها
تموع
من الترافه
وهيَّ
بالواقع
حجر!
مسحور
فقط أهل البصرة يمكن ان يتذكروه مثلي هذه الليلة!
هايم
بالشوارع
ناسي نفسه
نايم ع الرصيف
و ع التخوت
الثابته بوجه
الگهاوي
يدخل البارات
يهتف
ايده تهتز
ماسمعنه
هو يمكن ماسمع
نبضات حسه
الناس
گالوا:من زمان
انعرفه
مشهور
من طب
الأمِن ساعات
طلع من عدها
مسحور !
الغياب
الاغاني اللي
يشع منها
جمالك
ضحكة العين
بدلالك
خفّة الدم
بوصالك
كيفْ
يتحمّل خيالك
وهج
كل هاي
الحراره
بلحظه
يبرد
وتختفي كلها
وتغيب
ابثقب اسود !