هندال* / كاظم لاله
- التفاصيل
- نشر بتاريخ الخميس, 09 شباط/فبراير 2017 18:02
*.. حزنان جفني إبلا كحل..،مامش كحل وأشريله
او ما بيع طوگي للنذل..
لو گطّعوني الليله.
- - -
بيدك ضفرت إگصيبتي.. بأول عشگنه او شوگنه
نيشان نجمه للصبح... سهرانه ظلّت فوگنه
والگمره ترسمنه فرح..،
خيط الفجر من طوگنه
والجفن اشريعة كحل.. إبليل الكحل ناغيله
او مابيع حزني للنذل.. لوگطعوني الليله
- - -
تسبگني روحي إعله الدرب..،
لهفه او چفوفك دافيه
الخوف لملمني برد..،
چني حمامه او لافيه
وعّتني من حجلي الشمس... وآنه إعله چتفك غافيه
يا ما الكحل ويّه الحلم... إبجفني غفه كل ليله
او ما بيع حزني للنذل... لو گطعوني الليله.
- - -
تانيتك إليالي الزرگ..،
وگفه إو تصل إضلوعي
سنطه او مشه بيّه الحزن..،
إبطعم الكحل وإدموعي
إو شرّبت زلفي إمن النده... هندال فوگ إشموعي
إو لتخلي جفني إبلا كحل... كونك كحل تشريله
او لتبيع حزبك للنذل... لو گطعوك الليله.
ــــــــــــــــــــــــــــــــــــ
* هندال.. النقابي الشيوعي المعروف.