لوحة / كامل الركابي
- التفاصيل
- نشر بتاريخ الخميس, 24 تشرين1/أكتوير 2013 17:26
رسم لوحه وگلّي شوف
وجه طافح بالسلام
نبي يحب يصبح إمام
شيخ
حلگه بثدي
وما يقبل فطام
شفه خرسه
تنجبر تصرخ
وتسترسل كلام
راهبه ابدير ومخدتها
وطن ريش الحمام
شاعر بذهنه الطبيعه
شي تناسق وانسجام
والطبيعه تسخر
من الشاعر الموهوب
طبع
شعره وي شخصيته
انفصام
اللوحه كشفت
عمق نفسيته المريضه
وحبه ذاته
البيها طاير من هيام
ومو حرام
گتلي شوف
وما شفت غير الرسم
والشعر
جنحين الحمام !
بعد التعب
حميد الكناني
أهلاً يشوگ العمر
خلني النهرك جسر
واحفظني ابجسمك روح
تدري أنادي اشكثر
وما شفت عندك سمع
وانطرت جيتك دمع
وصار ضحكي خوف لنه صار إبأمر
او كضني وداعك بچي
أتگلب إعله الجمر
- - - -
بالسر گبل أحضنك
شوفك چان ابيسر
ومن انكشف الامر بيك قل العطر
وراودك خوف الملامه وحالك أصبح عسر
وانعصر بابك عصر
ومن شفت صوتك نأى
دگيت ناي الخطر
وبعيني حل الفِنه
ومات الطرب والغِنه
- - - -
او نبعت مياه الصبر
او گوه طگ الزرع وازدان بيه الثمر
والوادي رد وخِضر
بعد التعب يا عُمرُ
وسيف العتب انكسر
وچف المحبه اعتنى الچف الامانه ابصدگ
وتصافحوا بالعلن او حُب أخفى الصدر
او ردلي ضحكي مطر
بعد التعب يا عُمر
بعد التعب يا عُمر