الملحمة / علي العضب
- التفاصيل
- نشر بتاريخ الخميس, 05 كانون1/ديسمبر 2013 18:52
مثل عطر الورد .... ينتشر وي الريح
عطرك ينتشر ... بارض الوطن عطره
مثل شوك النخل . لو مر هوى الكاح
صرت انته الفراشه .. والشعب زهره
مثل رمل الصحاري... يبوس غيم الماي
يا احله نهر .. يا بحر .. يا .... مطره
يسوباط العنب .. ... وبفيك ينامون
الما عدهم سكن .... الوادم...... الفقره
يبو شفاف التمر ...... وخدودك التفاح
يا خيط البريسم ....... وجنتك حمره
ياهو المايعشكك ...... يا نبع ريحان
منك ينتهل ...... الاشعار والفكره
يبو طيور السلام....البيض والافراح
جف ابيض نظيف ... وطلعتك كمره
عليك العين تربي... يا وسيع العين
هله بجيتك حبيبي . .الناس منتظره
***
يبو سجون الاباة .... وتضحيات اسنين
يا شجرة عطاء ........ و دايم الخضره
يبو الشدات يخسه .. من يكول اتهاب
انته التكحم... ........ النيران مستعره
السلاسل و الحديد .... السجن والتعذيب
جم وشجم شهيد ...... الما بخل عمره
يشهد بالبطوله ...... و ..تشهد النكره
من كركوك ...... كاور باغي والعمال
وا ضراب المواني .. وثورة البصرة
وبكانون صارت ..... وثبة الطلاب
وبام السباع ..... .......الزلم منتشره
بواقعة الجسر.... .. الستشهدوا ابطال
جعفر والالوسي ... ونجحت الثور ة
بهيجه استشهدت ....واهتزت الرايات
بيدين الزلم .... كلهه ترف حمره
ثورة (بدزئي) وعد ال ازيرج كون
وثورات الفرات ... وبالجفل ثورة
***
الشاميه حصن .. .. ...كل الشيوعين
وبيوت السلف .. صارن وطن هجره
المنجل رمز حاصوده .. و تعب فلاح
والجاكوج عامل .... منكسر ظهره
انته اتحزمت .... يابو فكر خلاق
وقررت الظلام ... بضيك تنوره
بيك تثقفوا اجيال ... بعد اجيال
حزب قاد الشعب ..بالحلوه والمره
***
حطيت النقط .. فوك الحروف نجوم
ونورت الوطن ....من غابت الكمره
ماترضى بحروب ودم شعبنه يسيل
تهجير وقتل ...... شاب الطفل شعره
رسمت النه الدرب وحدة عرب واكراد
لازم هالشعب .. تطلع شمس فجره
( بيان رقم واحد )
الارض لابن الوطن .. والعمل والاموال
و فلوس النفط ..... .... للشعب للفقره
***
(بيان رقم اثنين)
حريه و عداله .. تسود بين الناس
ولا نرضى الحكم بيدين بس زمره
***
(بيان رقم ثلاثة)
محاكم عادله ... بكل البلاد نريد
ضد كل الجرايم ... وين منتشره
***
(بيان رقم اربعة)
قانون التقاعد .. للفقير يصير
مو للبرلماني .. خاين العِشره
***
(بيان رقم خمسة)
للعاطل ضمان .. الارمله الاطفال
لابناء الشهيد ... الما بخل عمره
***
(بيان رقم ستة)
قانون الاصلاح ... يصير للفلاح
تتوزع عليه ... كيعانه الخضره
***
(بيان رقم سبعة)
ماكو خصخصه للطب ...ولا التعليم
من فلوس النفط .........تتعالج الفقره
***
(بيان رقم ثمانية)
ماكو طائفية ... الوطن ملك الكل
مو دولة حزب...... لو دين لو عتره
***
(بيان رقم تسعة)
الحريات كلهه ... محدده بدستور
مو فوك الرفوف.. العاليه نشمره