بيرغ... احمر / لفته عبد النبي الخزرجي
- التفاصيل
- نشر بتاريخ الإثنين, 20 كانون2/يناير 2014 13:48
الى حزب الطبقة العاملة العراقية ... الى الحزب الشيوعي العراقي ...وثمانون من ألأعوام .. . تطرز تاريخه وعمره المعمد بالتضحيات ..
من عــام اربـع وثلاثين بواحـــــد وثلاثين اذار
علگنه سراج بنص الظلمة وتحــــــزموا كل الثوار
وفز مرعوب ألإستعمار
بواحـــــد وثلاثــين اذار بيرغ احمــر علــــگناه
والمنجل وشرنه إ سنونه وچا كوچ الكا دح سندانه
ينثر هيــــل وي ألأفكار ودخلت فرحه ابيت العامل
وصرايفنه اتفيض أسرا بــواحــــد وثلاثين آذار00
وعاشت شمعاتك آذار
بواحــــــد وثلاثين اذار خضر عود وقدح احمر
وانتشرت وردات الجنه وعثوگ البرحي وگنطــار
وشمينه عطـــــــر القداح والبردي بهور الحمــــــــار
و شمعاتك قداح ونـــــار بواحــــــد وثلاثين اذار
وعاشت شمعاتك آذار
بواحــــد وثلاثين اذار نزلت تنگط دم الأفكار
ودخلت كل بيت بموطنه وفز مرعوب ألاستعمار
ودربك واضح رغم الظلمة وراياتك تخفج أقـــــما ر
بيارغ حمرة بكل معبار بواحـــــــد وثلاثين اذار
وعاشت شمعاتك آذار
بواحد وثلاثين اذار
فزت دجله 00
وشمت سعفات الگنطار
ونخلات البرحي على الشاطئ رفت وي نسمات اذار
وگصبات الگاهن بالمسحب (1) تقره مناشيرك اذار
ومشا حيف الهور بهندس جدحت نار
بواحد وثلاثين اذار شمعا تك ضوت كل معبر
وشموعك راية أنصار
ومنهو اليگدر يطفي إشموعك وتاريخك يجدح بانواره
ابيض وســـنينك اقــــــــمار بواحد وثلاثين اذار
ثمن عشرات إسنينك صارن ما شابت عندك ألأفكار
متــواصل دومك تتجــــــدد ثـــوبك أبيض مثل آذار
ونسال الله مـــــن عواده وتحتفلون بـــــكل اذار
وعاشت شمعاتك اذار
عاشت شمعاتك اذار
( 1) الگاهن بلغة الجنوب = الجدول