- التفاصيل
-
نشر بتاريخ الأربعاء, 24 آب/أغسطس 2016 19:54
غافل وقاري وكادني بحنيه
ابيمنا شبچني بيسرته الچفيه
كلي ارد اعلمج (لعبة الچوبيه)
يمكن نسيت الخاتم بجف ايده
وترجيتي يمه احترگت بتنهيده
حين الهمسلي بوصله ومواعيده
الدنيا اخذني ميسره ومسبيه
-
وج ااه يمه ما دريتي بناري
روحي سحنهه برقته الانباري
لو طاف جفني بحجة الخطاري
(عيل) زال همي وطاب جرح البيه
-
هذه الذي هزني وغزلي طيوفي
شتت عذابي وراح شكي وخوفي
مگيوله يمه ابن العشاير يوفي
وين انته ساكن گال بالغربيه-
-
موهوم
موهوم لو يمكن كلامك خانك
ساكن دليلي ومهجتي عنوانك
بظلوعي حاضر مهرك ونيشانك
يا ابن الغوالي بهمتك معنيه
-
بزغري هويتك فارس الاحلامي
عد الشدايد للزمط مكدامي
اعطف عليه لا توقع اعدامي
(وكوم درجلي وامش كدامي-ولا تخاف من اهلي ولا عمامي)
بت عمك انه وبالاصل عربيه
-
واسيني يمه مادريتي بحالي
شت مني عقلي واحترك دلالي
حاير طبيبي شنهو علتي شمالي
ردتلي روحي بس حجه بطاريه
-
يمه سحرني واصبحت مجنونه
اسمر دخيل الله شحلات عيونه
متوسم الغيرة وبطل يدعونه
ذل الغريب وركبته محنيه
-
مولود سوي عزمي كل جاراتج
انطاج ربج وفيي بنذوراتج
فخر العرب صال وطرد شماتچ
بصحوة محبه وغيرة النشميه
--
طب الغريب وسال دمه ودمي
حط الحواجز يم مضيفه ويمي
ما يعني اغازل خلي وابني عمي
يندهله سني وصاحلي شيعيه
---
لا والرسالة وفالة ابن النهرين
ينحب مثل نوحي او ونيني علحسين
عن جود حيدر صاغ عمره دواوين
من عدي بيه مو غريب عليه